CCOO, diante das eleccións sindicais, quere facer un
agradecemento público a todos os traballadores e traballadoras que unha vez máis
deron un sentido de clase e que
teñen claro que, unha manobra como a que intentou o CSIF, cun traballador recen
chegado, e que por todos os medios, intentou facer una candidatura corporativista.
Pero unha vez máis a plantilla de Navantia Ferrol, soubo
poñer no seu sitio a estes “externos
paracaidistas”, movidos por escuros
intereses, moitas das veces privados, e so acudirán as eleccións, sindicatos de clase.
A Dirección
Corporativa de Navantia, co afán de dividir os traballadores/ás, alenta candidaturas de sindicatos
corporativistas que pretenden desunir máis que integrar, tamén en Ferrol,
ata o punto de presionar, a través de altos cargos directivos, a varios
compañeiros para que formasen parte da devandita candidatura. O feito de que
estes compañeiros se negasen a participar nesa trama, merece o noso máis sincero recoñecemento, e
cremos que o de todos os traballador@s da empresa. De ter consolidado unha
candidatura dese tipo, tería sido un retroceso perigoso que aumentaría a
desunión, e que nos afastaría do máis importante e desexable que é o proceso integrador polo que vimos apostando
dende CC.OO.
Isto ten que ser una chamada de atención a empresa, de que
ten un problema, pois nestes tempos non se pode aínda pensar que “un enxeñeiro
de Bazán”, é un aristócrata de Ferrol, senón que é un traballador máis, e como tal ten que ter uns dereitos irrenunciables,
e máis nunha empresa pública que debía ser modelo.
Do mesmo xeito, a incorporación de traballadores por esa vía,
non pode ser algo reservado. A transparencia da que se fai gala no portal da
web, e que pouco campa nesta empresa, ten que dar un gran paso adiante.
CCOO, como sindicato de clase, ten a súa intención como principio
defender os intereses de todos os traballadores e traballadoras, e nestes novos
tempos en pleno século XXI, xa non se poden aguantar estruturas feudais contra
as que se vai loitar sen dubida.