Por situar un pouco o sucedido na Sala, atopámonos cunha alegación do
Presidente do Tribunal da Audiencia Nacional aconsellando e instando as partes
a chegar a unha solución pactada “conciliación”, dando a entender que de
celebrar o xuízo, a sentenza non ía gustar a ningunha das partes, xa que non ía
entrar no fondo do asunto. Os que alí estabamos intuíamos que no mellor dos casos, o Tribunal optaría pola suspensión do
preito e esperar a que o Tribunal Supremo pronunciásese sobre a nulidade do IV Convenio.
Posibilidade que non só non resolvería nada, senón que complicaría máis se
cabe, o proceso xudicial no que estamos inmersos, e debilitaría as nosas
opcións de carácter sindical.
Había que tomar unha decisión nese momento, e apostamos pola que nos
pareceu mellor e menos lesiva para as nosas aspiracións. En resumo, a
conciliación recolle os seguintes aspectos:
1.
A Dirección de Navantia e con efectos de 13 de
Febreiro de 2015, data que se declara nulo o IV Convenio Colectivo,
comprométese a repoñer a todos os traballadores en todas as condicións e
dereitos establecidos polo terceiro
Convenio Colectivo.
2.
Os incumprimentos con anterioridade ao
13-02-2015 quedan supeditados ao ditame do Tribunal Supremo sobre a nulidade do
IV Convenio e/ou que o seu abono acórdese no novo Convenio Colectivo pendente
de negociación.
3.
As
asimilacións correspondentes aos anos 2013 e 2014 a Dirección da empresa, o 23
de xullo de 2015, solicitou autorización para o seu abono, á administración
correspondente, e unha vez autorizado, se ese é o caso, efectuar o pago
inmediato a l@s traballador@s beneficiari@s da parte que se lles debe,
actualizando o nivel salarial e salarios correspondentes.
4.
A
Empresa comprométese, no prazo de 1 mes, a entregar a documentación necesaria
en relación á masa salarial do ano 2015 e da autorización solicitada para o
abono das asimilacións correspondentes aos anos 2013 e 2014.
Desde CCOO entendemos que do compromiso da
Dirección da empresa de repoñer todas as condicións e dereitos establecidos
polo terceiro Convenio Colectivo,
derivaríase tamén o recoñecemento e abono das asimilacións que se vaian
cumprindo durante o ano 2015, e por tanto, instaremos á empresa para solicitar
a autorización legal correspondente para o seu recoñecemento e abono.
Valoración: Aínda non sendo o acordo que todos
desexásemos, dadas as circunstancias era o menos lesivo para o conxunto dos
traballadores. 1º Mantéñense todas
as nosas aspiracións. 2º Hai un
recoñecemento expreso por parte da empresa do 3º Convenio con todos os seus
dereitos. 3º Un compromiso da
empresa para tentar resolver, mediante a súa solicitude ao Ministerio de
Economía, e así poder aplicar e abonar as asimilacións correspondentes ao 2013
e 2014. 4º
Sitúanos nun punto de partida moito máis favorable á hora de facer fronte ao
próximo Convenio Colectivo. Todo iso a expensas do que poida sentenciar o
Tribunal Supremo sobre a nulidade do IV Convenio.
A conciliación alcanzada vén
reforzar as nosas demandas, incluídas as de carácter individual, para cada un
dos asuntos pendentes de abono e/ou recoñecementos de dereitos.
NAVANTIA - Ferrol, a 16 de setembro de
2015
No hay comentarios:
Publicar un comentario
Nota: solo los miembros de este blog pueden publicar comentarios.